ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА ХУВААРИЙН ДАГУУ ХАРИУЦСАН ТАЛБАЙН ЦЭВЭРЛЭГЭЭГ ХИЙЛЭЭ Иргэдийн Төлөөлөгчдийн Хурлын Ажлын албаны ажилтан, албан хаагчид Дүүргийн Засаг даргын 2020 оны А/352 дугаар захирамжаар батлагдсан хуваарийн дагуу "Ковид 19" цар тахалын үед ажиллах журмыг баримтлан хариуцсан талбайн цэвэрлэгээг чанартай зохион байгуулж ажиллалаа.

ДҮҮРГИЙН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛӨӨС ГИШҮҮН БАЙГУУЛЛАГУУДЫГ ДЭМЖИЖ АЖИЛЛАЖ БАЙНА Налайх дүүргийн иргэдийн Төлөөлөгчдийн Хурал, Гэмт хэргээс урьдчилан сэргийлэх ажлыг зохицуулах салбар зөвлөлөөс дүүргийн иргэдийн аюулгүй байдлыг хангах, гэмт хэрэг, зөрчлөөс урьдчилан сэргийлэх ажлыг эрчимжүүлэх, гэмт хэргийн гаралтыг бууруулахад чиглэсэн олон талт цахим сургалт зохион байгуулахад ашиглагдах “PCI7 ALL IN ONE” маркийн иж бүрэн тоног төхөөрөмжийг Налайх дүүрэг дэх Цагдаагийн хэлтэс, Багахангай, Налайх дүүргийн Шүүхийн Тамгын Газарт хүлээлгэн өглөө.

ДҮҮРГИЙН ОНЦГОЙ КОМИСС Ээлжит бус цахим хуралдаан зарлаж, цаг үеийн нөхцөл байдалтай холбогдох асуудлуудыг хэлэлцлээ 1.Налайх дүүргийн Онцгой комиссын гишүүд “ Соvіd-19 " халдварын тархалт, идэвхтэй тохиолдлуудын тандалт судалгаа, цаашид халдварын тархалтыг хэрхэн хяналтандаа авах талаар хуралдлаа. Мөн иргэдийг “Соvіd-19” халдварын эсрэг дархлаажуулалтын вакцинд хамруулахтай холбоотой үйл ажиллагааны явц, цаашид анхаарах асуудлуудыг хэлэлцэв. Ирэх Даваа гараг буюу 4 дүгээр сарын 5-аас эхлэн 18-49 насны иргэдийг вакцинжуулах болсон бөгөөд Дүүргийн Онцгой комисс шуурхай штабын үйл ажиллагааг хуваарийн дагуу зохион байгуулж, үүрэг гүйцэтгэх алба хаагчдыг үүрэгжүүлэх, дүүргийн хэмжээнд ариутгал халдваргүйжүүлэлтийг чанартай зохион байгуулах талаар холбогдох хэлтэс, албадуудад уялдаа холбоотой хамтран ажиллах үүрэг чиглэл өглөө.

БАЙГУУЛЛАГЫН НЯРАВ, НЯГТЛАНГУУДАД ЦАХИМААР СУРГАЛТ ЗОХИОН БАЙГУУЛЛАА Халдварын дэгдэлт өндөр байгаатай холбогдуулан төрийн албаны сургалтууд бүгд цахим хэлбэрт шилжсэн. Өмнө нь дүүргийн Шуурхай штабаас байгууллагын харуул манаач нарт зориулж халдвараас урьдчилан сэргийлэх чиглэлийн арга зүйн сургалтыг зохион байгуулсан. Тэгвэл өнөөдөр /04.02-нд/ төрийн байгууллагын эд хөрөнгө хариуцагч нярав, нягтлангуудад дүүргийн Дотоод аудитын албанаас цахим хэлбэрээр сургалт зохион байгуулж ажиллалаа.

ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН СОНГУУЛЬД НЭР ДЭВШИГЧДИЙН ҮНЭМЛЭХИЙГ ГАРДУУЛАН ӨГЛӨӨ