Налайх дүүргийн ИТХ

Хэлэлцүүлгүүд (3)

Гарчиг Модератор Сэдвүүд Нийтлэлүүд Сүүлийн нийтлэл
НЭЭЛТТЭЙ ХЭЛЭЛЦҮҮЛЭГ ЗОХИОН БАЙГУУЛАГДАНА
Орон сууцны болон аж ахуйн нэгж байгууллагын цэвэр бохир усны үйлчилгээний үнэ тарифт өөрчлөлт оруулах тухай "Нээлттэй хэлэлцүүлэг" 2017 оны 03-р сарын 13-ны өдрийн Даваа гарагт Соёл урлагийн ордонд 16:00 цагт зохион байгуулагдана. Орон сууцны айл өрх, аж ахуйн нэгж байгууллага, иргэд та бүхнийг идэвхтэй оролцохыг уриалж байна. Холбогдох утас: 7023-2099
badam 0 0
ОРОН СУУЦНЫ АЙЛ ӨРХИЙН УСНЫ ҮНЭ ТАРИФТ ӨӨРЧЛӨЛТ ОРУУЛАХ
Налайх дүүргийн Иргэдийн Төлөөлөгчдийн Хурлын ажлын албанаас Орон сууцны болон аж ахуйн нэгж байгууллагын цэвэр бохир усны үйлчилгээний үнэ тарифт өөрчлөлт оруулах асуудлаар дүүргийн Соёл урлагийн ордонд айл өрх, аж ахуйн нэгж байгууллагын төлөөлөл 100 гаруй иргэдэд нээлттэй сонсгол хийж, тэдний үзэл бодол, байр суурийг сонсох зорилгоор "Нээлттэй хэлэлцүүлэг" зохион байгууллаа. Хэлэлцүүлэгт дүүргийн Иргэдийн Төлөөлөгчдийн Хурлын дарга Б.Нэргүй, хурлын тэргүүлэгчдийн нарийн бичгийн дарга А.Булбул, Чандмань Налайх ОНӨААТҮГ-ын удирдлага, холбогдох албан хаагч, орон сууц, аж ахуйн нэгж байгууллагын төлөөлөл оролцлоо. Хэлэлцүүлгийн үеэр Чандмань Налайх ОНӨААТҮГ-ын дарга Г.Чулуунбат усны үнэ тарифт өөрчлөлт оруулах шаардлагатай тухай танилцуулга хийв. Тус байгууллага нь нийт 142 ажилтан, 6 хэсгээс бүрдэн ажиллаж байна. Нийт 86 орон сууцны 2984 айл өрх, 198 аж ахуйн нэгж байгууллагаас жилд дунджаар 7000 гаруй дуудлага хүлээн авч ажилладаг байна.Чандмань Налайх ОНӨААТҮГазар хоногт дунджаар 3300 шоо метр ус түгээдэг. 1 литр усыг 37 мөнгөөр УСУГазраас худалдан авч 48 мөнгөөр борлуулж, 11 мөнгөний зөрүүн дээр ажил үйлчилгээгээ явуулж байна. Хэлэлцүүлгийн үеэр иргэдээс гарсан санал: Хэрвээ усны үнийг нэмбэл танай байгууллагын өр хичнээн хувиар багасах вэ? Өмнөх үе үеийн дарга нарын хариуцлагагүй байдлаас үүдэн гарсан өрийг иргэдийн нуруун дээр өгч байгааг дэмжихгүй байна,  Байрны подволоор дүүрэн ус алдаж байгаа юм чинь өрөнд орно, хариуцлагагүй ажилласан албан хаагчдад хариуцлага тооцох, Байгууллагын өр ярьж байна, тэгэхээр авлага хэр байгаа вэ гэдгийг бас сонсмоор байна, Байрны халаалтад үүсч буй асуудлыг өмнө нь Дулааны станц хариуцдаг байсан, харин одоо Чандмань Налайх хариуцдаг болсон. Энэ нь ямар үр ашигтай юм бэ? Энэ байгууллагыг өрөнд ороход яагаад тухайн үед нь асуудлыг шийдээгүй юм, яагаад одоо ард иргэд энэ асуудлыг шийдэх ёстой юм бэ? Өрний асуудлыг шийдэхэд төрийн оролцоо хэрэгтэй гэж үзэж байна. Айл өрхийг задгайгаар бичдэг нь өөрөө асуудал, задгайгаар бичигддэг айлуудад хэдэн хүн амьдардаг нь тодорхойгүй, эхлээд бүх айл өрхийг албан шаардлагаар тоолууржуулах хэрэгтэй. СӨХ, орон сууц хоёрыг харилцан уялдаатай ажиллуулах , Налайхын дулааны үнэ нэмсэн, одоо усны үнэ нэмбэл бид яаж амьдрах вэ? Усны алдагдлыг зогсоох, байрны подволоор ус дүүрдэг. Энэ асуудалд хяналт тавих.  Бусад байгууллагууд нэг л өглөө болоход үйлчилгээний үнээ нэмсэн байдаг. Харин анх удаагаа усны үнэ нэмэх асуудлыг иргэдээс санал асуулга авч байгааг үзэж байна, өөрийн санал бодлоо хэлэх боломж олдож байгаад баяртай байна. Би энэ байгууллагаас тэтгэвэрт гарсан хүн, 7 даргын нүүр үзсэн, бүх дарга нар үнэхээр тийм муу, хариуцлагагүй ажилласан юм биш, зарлага нь орлогоосоо даваад байвал энэ байгууллага хэвийн үйл ажиллагаа явуулахад хүнд болно гэх мэт санал гаргаж, ажлын хэсгээс хариулт авлаа. Хэлэлцүүлгийн төгсгөлд орон сууцны оршин суугч 100 гаруй иргэнээс бичгээр орон сууцны айл өрхийн усны үнийг нэмэгдүүлэхийг дэмжиж байгаа болон дэмжихгүй байгаа талаар саналын хуудас бөглүүлэн авлаа. Саналын хуудасны дүнг нэгтгэн дүүргийн Иргэдийн төлөөлөгчдийн Хурлын тэргүүүлэгчдийн хуралдаанд танилцуулах юм.
badam 1 0
Монгол улсын Үндсэн хуульд нэмэлт өөрчлөлт оруулах
Тус хэлэлцүүлэг нь Монгол Улсын Үндсэн хуулийг дээдлэн сахиж, хүндэтгэн биелүүлэх, тогтвортой байдлыг хангах нь Монгол Улсын тусгаар тогтносон, бүрэн эрхт байдлаар оршин тогтнохуйн эрх зүйн үндэс бөгөөд энэ хүрээнд уг хуульд нэмэлт, өөрчлөлт оруулах талаар нээлттэй хэлэлцүүлж, түүний ач холбогдол, хамрах хүрээний талаар мэдлэг олгох, байгууллагуудаас гарсан санал дүгнэлтийг тусгах зорилготой зохион байгуулагдлаа. Хэлэлцүүлэгт дүүргийн Иргэдийн Төлөөлөгчдийн Хурлын ажлын албаны хэлтсийн дарга, ахлах мэргэжилтнүүд, дүүргийн хурлын төлөөлөгчид, ЗДТГ-ын албан хаагчид болон бусад төрийн байгууллагуудын 60 гаруй албан хаагчид оролцлоо. Хэлэлцүүлэгт Монгол улсын үндсэн хуульд нэмэлт өөрчлөлт оруулах нь зүйтэй гэж үзэн Налайх дүүргийн Иргэдийн Төлөөлөгчдийн Хурлын ажлын алба, төлөөлөгчид дараах саналуудыг гаргалаа. Сонгуульт албан тушаалтнуудын бүрэн эрхээ хэрэгжүүлэх хугацаанд өөрчлөлт оруулах, Төрийн албан хаагчийн эрх зүйн баталгааг хангаж, улс төрөөс ангид мэргэшсэн тогтвортой байдлыг хангах, Ерөнхийлөгч, УИХ, Орон нутгийн сонгуулийг нэгдсэн байдлаар зохион байгуулах, Засаг захиргаа нутаг дэвсгэрийн нэгжид "Хот" хэмээх статусыг оруулах, УИХ-ын бүтцийг хүн амын тоонд харьцуулан өөрчлөлт хийх, Үндсэн хуульд төсөв, санхүү, эдийн засгийн бодлогын талаар заалт оруулж өгөх, ерөнхий сайдын бүрэн эрхийг нэмэгдүүлж, танхимаа бүрдүүлэн, парламентийг тараах санал гаргах эрхтэй болгож Сонгодог парламентийн засаглалруу шилжих зэрэг саналуудыг гаргасан юм.
badam 0 0