Дүүргийн Иргэдийн Төлөөлөгчдийн хурлын 2016 оны 12 сарын 19-ний өдрийн 3/12 тоот тогтоолоор "Дүүрэг, хороодын хөгжлийн зөвлөл" -ийн ажиллах журмыг баталсан. "Хөгжлийн зөвлөл"-ийн гол зорилго нь Налайх дүүрэг, хороодын бүтээн байгуулалт, хөгжлийн бүхий л үйл ажиллагаанд иргэдийн оролцоог нэмэгдүүлэхэд оршино. Хөгжлийн зөвлөлийн бүрэлдэхүүн нь 2 жилийн хугацаатай, хорооны салбар бүрийн мэргэжлийн идэвх, санаачилгатай, нас насны төлөөлөл оролцсон 9-15 хүний бүрэлдэхүүнтэй байна.
Хуралдаанд дүүргийн Иргэдийн Төлөөлөгчдийн Хурлын төлөөлөгч, 5-р хорооны Засаг дарга Д.Мөнхбаяр, Иргэдийн Нийтийн Хурлын дарга Л.Цэцгээ, ИНХ-ын тэргүүлэгч нар болон иргэд оролцож, 13 хүний бүрэлдэхүүнтэйгээр Хөгжлийн зөвлөлөө байгууллаа.