Монгол түмний уламжлалт сар шинийн баярын босгон дээр Налайх дүүргийн 1-р хорооны Энгэршандын 8-4 тоотод ам бүл 10 оршин суугч С.Буяндэлгэрийн гэр бүлд нэг дүгээр хорооноос сонгогдсон төлөөлөгч, Иргэдийн Төлөөлөгчдийн Хурлын дарга Б.Нэргүй, төлөөлөгч, Засаг даргын орлогч Х.Анхбаяр, төлөөлөгч Г.Баярсүрэн, төлөөлөгч Б.Сампилноров нар дүүргийн Улаан Загалмайн Хороотой хамтран өргөө цагаан гэр олголоо.
1-р хорооны иргэн С.Буяндэлгэр:
"Өнөөдөр ийм сайхан гэртэй болсондоо баяртай байна. Би 7 хүүхэд, аав, дүүгийн хамт амьдардаг. Өргөө цагаан гэрээ цаашид өнгөтэй өөдтэй авч явахаа амлаж байна. Сонгуулиас хойш төдийлөн бага хугацаа өнгөрсөн ч иргэдтэйгээ үргэлж ойр байж биднийг сонсдогт талархалтай байгаа. Одоо хүүхдүүдийнхээ төлөө сайхан амьдрах болно" гэж хэлэв.