Сурагчдын амралтыг сунгах эсэх асуудлаар өнөөдөр өглөө БСШУС-ын сайд холбогдох хүмүүстэй уулзалт хийсэн. Уулзалтаар сунгах шийдвэр гаргасан байна.
Энэ талаар Засгийн газрын Хэвлэл мэдээлэл, олон нийттэй харилцах хэлтсийн дарга Г.Отгонбаяр цахим хуудсандаа "Сурагчдын амралтыг сунгах эсэхээр Ерөнхий сайд өнөөдөр ямар нэгэн уулзалт хийгээгүй, хийхгүй. Харин яг одоо хотын холбогдох албаныхан /боловсрол, эрүүл мэнд/ БСШУС-ын сайдтай уулзаж энэ асуудлаар хуралдаж байгаа. Энэ хурал өчигдөр болох байсан ч, нийслэлд таван иргэн архинд хордсон учраас хотынхны ажлын боложмийг харгалзан хурлыг өглөө болгож хойшлуулсан юм.
Сая хурлын дундуур нь Ж.Батсуурь сайд "Мэргэжлийн байгууллагын санал, ид хүйтрэл, ханиад томуу зэргээс шалтгаалан хүүхдэд ээлтэй байдлаа бодоод сурагчдын амралтыг 1 дүгээр сарын 30-ныг хүртэл сунгана" гэж хэлээ.