Өнөөдөр хуралдсан Засгийн газрын хуралдаанаар дараах асуудлыг шийдвэрлэсэн байна.
Үүнд:
Томуу, томуу төст өвчний дэгдэлт, цаг агаарын байдлыг харгалзан шинэ жилийн баяраар иргэдийн ажил, амралтыг зохицуулах зорилгоор, Засгийн газраас Нийтээр тэмдэглэх баярын өдрийн холбогдох хуулийн заалтыг үндэслэн 2016 оны 12 дугаар сарын 30-ны баасан гаригийн ажлын өдрийг 2017 оны нэгдүгээр сарын 7-ны бямба гаригийн амралтын өдөрт шилжүүллээ. Ингэснээр ажлын өдрийн тоо, албан хаагчдын цалингийн нийлбэрт өөрчлөлт орохгүйн зэрэгцээ иргэд шинэ жилээр ( 2016 оны 12 дугаар сарын 29, 30, 31-нд болон 2017 оны нэгдүгээр сарын 1) нийт дөрөв хоног амрах шийдвэр гаргасан байна.
Эх сурвалж: Zasag.mn