Уулзалт зөвөлгөөнд "Баялаг бүтээгчдийг дэмжих холбоо"-ны Ерөнхийлөгч Ч.Даваабаяр, холбооны гүйцэтгэх захирал Н.Ганболд, Аж үйлдвэрийн яамны СХБЗ-ын хэлтсийн дарга Д.Эрдэнэбаяр, "Баялаг бүтээгчдийг дэмжих холбоо"-ны удирдах зөвлөлийн гишүүн К.Сейтхаан, Налайх хотын "Жижиг, дунд үйлдвэрлэлийг дэмжих төв"-ийн дарга Д.Энхтуул болон албаны хүмүүс оролцож иргэдэд өөрсдийн үйл ажиллагаа болон төрөөс баримталж буй бодлогыг танилцуулж, үйлдвэрлэгчдийнхээ санал бодлыг сонслоо.
Уулзалтын үеэр Налайх хотын Захирагчийн ажлын албаны Нийтийн үйлчилгээний хэлтсийн дарга О.Пүрэвжамц болон "Жижиг, дунд үйлдвэрлэлийг дэмжих төв"-ийн дарга Д.Энхтуул нар баялаг бүтээгчдийг хэрхэн дэмжиж цаашид хамтран ажиллах талаарх асуудлуудаа танилцуулсан юм.
Мөн энэ үеэр БАЯЛАГ БҮТЭЭГЧДИЙГ ДЭМЖИХ ХОЛБОО-ны НАЛАЙХ хот дахь салбар хороог байгууллаа.
Зөвөлгөөний төгсгөлд албаны хүмүүс Налайх хотын жижиг дунд үйлдвэрлэгчдийн бүтээгдэхүүний үзэсгэлэнг үзэж сонирхлоо.
