2015 оны 4 дүгээр сарын 16-ны өдөр дүүргийн Сургуулийн өмнөх боловсролын (цэцэрлэгийн) хүүхдүүдийн дунд иргэдийн Төлөөлөгчдийн Хурал, Засаг даргын Тамгын газар, Цагдаагийн хэлтэс, Хүүхэд, гэр бүл хөгжлийн төв, Дэлхийн зөн Монгол ОУБ-ын Налайх Орон нутгийн хөгжил хөтөлбөр хамтран “Замын хөдөлгөөний цагаан толгой” тэмцээнийг зохион байгууллаа.

Тэмцээнд 6 цэцэрлэгийн 72 хүүхэд оролцож, мэдлэг чадвар, авхаалж самбаагаа сорин өрсөлдсөнөөс 1 дүгээр байрт Ц.Тунгалаг эрхлэгчтэй Улсын тэргүүний 23 дугаар цэцэрлэгийн баг, 2 дугаар байрт Д.Долгорсүрэн эрхлэгчтэй 123 дугаар цэцэрлэгийн баг, 3 дугаар байрт Ж.Алтан-Од эрхлэгчтэй 152 дугаар цэцэрлэгийн баг шалгарч, өргөмжлөл, медалиар шагнагдаж, нийт 72 хүүхдэд дурсгалын зүйл гардууллаа.