Казахын ард түмний “ Нарны баяр” буюу “Наурыз”-ыг тохиолдуулан жил бүр уламжлал болгон зохион байгуулдаг “Сагсан бөмбөг”-ийн тэмцээн өнөөдөр эхэллээ.Тэмцээний нээлтэд дүүргийн Иргэдийн Төлөөлөгчдийн Хурлын дарга Н.Мандуул оролцож тамирчдад баяр хүргэж амжилт хүслээ.
Энэ жилээс эхлүүлэн Наурыз спортын тэмцээнийг спортын өдөрлөг хэлбэрээр зохион байгуулахаар болж ширээний теннис, дартс, гар барилдаан зэрэг төрлүүдийг нэмсэн талаар зохион байгуулагчид танилцуулж байлаа. Уг тэмцээн нь Спортын цогцолборт 3 дугаар сарын 18-19-ний хооронд зохион байгуулагдах ба энэ жилийн сагсны тэмцээний ивээн тэтгэгч, зохион байгуулагчаар дүүргийн "Кран" клубын залуус юм.Нээлтийн үйл ажиллагаанд НИТХ-ын Төлөөлөгч, Налайх дүүргийн Засаг дарга Д.Наянбаяр, дүүргийн ИТХ-ын Төлөөлөгч А.Арман, М.Эгэз, Б.Отгонхуяг, Б.Батбилэг, О.Болдбаатар, ИТХ-ын Ажлын албаны дарга А.Булбул нарын албаны хүмүүс оролцлоо.
