Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт өөрчлөлт орсноор нөхөх олговор нэхэмжлэх хугацааг 2020 оны 12 дугаар сарын 31-ний өдөр хүртэл сунгаж, улс төрийн хилс хэрэгт холбогдуулан цаазаар авах ялаар шийтгүүлсэн хэлмэгдэгчийн эхнэр /нөхөр/, эсхүл хэлмэгдэгчийн төрсөн болон үрчилж авсан хүүхэд, хэлмэгдэгчийг нас барснаас хойш 10 сараас илүүгүй хугацааны дотор төрсөн хүүхдэд 80 сая төгрөг, хорих ялаар шийтгүүлсэн бол 40 сая төгрөгийн нэг удаагийн нөхөх олговор олгох эрх зүйн орчин бүрдсэн.Энэ хуулийн дагуу Налайх дүүргийн 2 дугаар хорооны иргэн өндөр настан Ч.Цэвэлмаад 20 сая төгрөг , 7-р хорооны иргэн өндөр настан Х.Сосор нарт 50 сая төгрөгийн батламжийг дүүргийн ИТХ-ын дарга Б.Нэргүй гардуулан өглөө. Мөн Налайх дүүргийн 2 дугаар хорооны иргэн өндөр настан Ч.Цээжидмаа 20 сая төгрөг, 2 дугаар хорооны иргэн өндөр настан Д.Цэнд 40 сая төгрөг, 6-р хорооны иргэн өндөр настан М.Дэнзэн 40 сая төгрөг, 7-р хорооны иргэн өндөр настан Б.Цэрэннадмид 40 сая төгрөгийг хувийн дансанд шилжүүллээ.