2018 оны 05 дугаар сарын 08 Олон Улсын Улаан загалмай Улаан хавирган сар хөдөлгөөний өдөр, Монголын хүмүүнлэгийн өдрийг тэмдэглэн өнгөрүүлэх үйл ажиллагаа Соёл урлагийн ордны өмнөх талбайд боллоо. Өдөрлөгт Улаан загалмайн гишүүд дэмжигчид, ивээн тэтгэгч онцгой гишүүд, сайн дурын идэвхтнүүд, анхан шатны хороод, өсвөрийн улаан загалмайчид, удирдах зөвлөлийн гишүүд өргөн хүрээтэй оролцлоо. Өдөрлөгөөр хүмүүнлэгийн үйл ажиллагаанд идэвхтэй оролцсон хүмүүсийг шагнаж урамшууллаа. МУЗНийгэмлэгийн " Нигүүсэл мөнгөн" медалиар ивээн тэтгэгч онцгой гишүүн А.Туяабаатар, Л. Цэрэннадмид нарыг , "Тэргүүний сайн дурын идэвхтэн" цол тэмдэгээр сайн дурын ажилтан Б.Долгорсүрэн, Т.Алтанцэцэг, Б.Эрдэнэбүрэн , Ж.Насанбаяр, Г.Оюунчулуун нарыг МУЗН-ийн "Шилдэг залуу" медалиар Голомт цогцолбор сургуулийн нийгмийн ажилтан н.Оюунгэрэл, 109 сургуулийн багш Р.Оюун нарыг шагнаж алдаршууллаа. Өдөрлөгийн үеэр Уран хөдөлгөөнт гимнастикийн тэргүүн байрын шагналт 123 дугаар цэцэрлэгийн хүүхдүүдийн тоглолт, Налайх дүүргийн Ногоон гэрэл-Цагаан шугам тэмцээний шилдэг "Тусгай салаа " багийн үзүүлбэр, Улаан загалмай хорооны дэргэдэх эрүүл мэнд анхны тусламжийн нөхөрлөлийн багийн үзүүлэх сургууль боллоо. Монголын хүмүүнлэгийн өдөр угтаж "Таны дэм - Бусдад инээмсэглэл " хүмүүнлэгийн аяны нээлт болж ХААН банкны хамт олонд гардуулан өглөө. ХААН банкны хамт олон нийгмийн хариуцлагын хүрээнд олон нийт ард иргэдийг уриалан ажиллахаа илэрхийллээ. Өдөрлөгийн хамгийн хүндэтгэлтэй хэсэг бол Хүүхэд залуучуудын хөдөлгөөний гишүүд дэмжигчдийн эгнээг өргөтгөж шинээр гишүүн элсүүлэх үйл ажиллагаа байв. 160 гаруй хүүхэд хөдөлгөөнийхөө тугийг залж, гишүүний тангаргаа өргөн гишүүнээр элслээ. Ийнхүү Монголын хүмүүнлэгийн өдрийг ажлын амжилт, дуу хуур, хөгжөөн инээмсэглэлээр дүүрэн тэмдэглэн өнгөрүүллээ.
Налайх дүүргийн Иргэдийн Төлөөлөгчдийн Хурал
Налайх дүүргийн Иргэдийн Төлөөлөгчдийн Хурал
"Иргэдийн оролцоотой - Бүтээмжийн жил" "Иргэдийн оролцоотой - Бүтээмжийн жил"Олон Улсын Улаан загалмай Улаан хавирган сар хөдөлгөөний өдөр, Монголын хүмүүнлэгийн өдөрлөг
2018-05-08
