Нийслэлийн Залуучуудын хөгжлийн газар,Налайх дүүргийн Гэр бүл, хүүхэд, залуучуудын хөгжлийн хэлтэс, МСҮТ-тэй хамтран дүүргийн хүүхэд залуучуудад мэргэжил сонголт, мөрөөдөл, ирээдүйн боломжуудын талаар мэдээлэл хүргэх уулзалт, ярилцлагыг зохион байгууллаа. Уг уулзалт, арга хэмжээнд урилгаар НИТХ-ын дарга С.Амарсайхан, Налайх дүүргийн удирдлагууд оролцож, улс эх орны гэрэлт ирээдүй болсон хүүхэд залуустай өв соёл, түүх, уламжлал, ирээдүйн хэн болох, ямар зорилго, мөрөөдөлтэй сурч боловсрох талаар халуун дотно яриа өрнүүллээ.
Мөн Нийслэлийн залуучуудын хөгжлийн газрын дарга С.Сүх-Очир "Хязгаар үгүй мөрөөд" сэдвээр МСҮТ-ийн сурагч, оюутан, залуучуудад хандан зөв хүн болон төлөвших, хүсэл мөрөөдлийнхөө төлөө зориг, зүтгэл гарган ажиллах, мэргэжлээ хэрхэн зөв сонгох талаар лекц уншиж танилцуулсан нь оюутан суралцагчдын талархалыг хүлээлээ.
Лекц ярианы төгсгөлд Налайх дах МСҮТ-ийн захирал Ц.Сонгууль, НИТХ-ын дарга С.Амарсайханд сургуулийнхаа номын сан, багш сурагчдын бүтээлийн дээжээр гаргасан музей, үйлдвэрлэл болон сургалт технологийн танхим зэргийг танилцууллаа.
