Билгийн тооллын хаврын тэргүүн сарыг угтан Налайх дүүрэг 7 хорооны харьяалалгүй 1800 гаруй ахмадуудыг хүлээн авч хүндэтгэл үзүүлэх гэж байна. Өнөөдөр Налайх дүүргийн ИТХ, ЗДТГ, ХХҮХ, Сайн номуун хийд хамтран 5-р хорооны 100 ахмад буурлуудаа хүлээн авч, хүндэтгэл үзүүллээ. Засаг дарга Ч.Раднаабазар, Засаг даргын Орлогч Х.Анхбаяр, ИТХ-ын тэргүүлэгч Д.Мөнхбаяр, Хөдөлмөр Халамжийн Үйлчилгээний Хэлтсийн дарга Т.Эрдэнэчимэг, Ахмадын хорооны дарга З.Саалаа нар оролцож, ахмадууддаа баяр хүргэлээ. Энэ үеэр Сайн Номуун хийдийн хамба лам нар жилийн засал хийж, ном хур айлдан, 108 зул бадамлууллаа. Мөн баярын тоглолт хийж, ахмад буурлууддаа гарын бэлэг гардуулав. Энэ үеэр дуучин Л.Банзрагч, СУИС-ийн Залуу дуучин Б.Сайнтөмөр нар ахмад буурлууддаа аз жаргал хүсэж, ая дууны мэнд дэвшүүллээ.
2018 оны 02-р сарын 09-ний өдөр 15: 0 цагт 6-р хорооны ахмадуудад хүндэтгэл үзүүлнэ
