Налайх дүүргийн 5,6,7-р хорооны иргэдээс Газрын албатай холбоотой санал гомдлыг нь авлаа

НИТХ-ын дарга С.Амарсайханы 2017 оны 12-р сарын 22-ны өдрийн 93 тоот захирамжаар нийслэлийн иргэд оршин суугчид газрын албатай холбоотой хууль тогтоомжийн хэрэгжилт, иргэд оршин суугчдын санал гомдлыг НИТХ-ын ажлын алба болон Нийслэлийн үйлчилгээний нэгдсэн төвүүдэд 2017 оны 12-р сарын 22-ны өдрөөс 2018 оны 1-р сарын 18-ны өдөр хүртэл хүлээн авч эхэлсэн.
Уг ажлын хүрээнд Налайх дүүргийн Иргэдийн Төлөөлөгчдийн Хурлаас Газрын тухай хууль, тогтоомжийн хэрэгжилтийн талаар тухайн нутаг дэвсгэрийн иргэд, олон нийтийн хэлэлцүүлгийг 2018 оны 01-р сарын 10,11-ний өдрүүдэд Налайх дүүргийн 5,6,7-р хорооны иргэдийн дунд зохион байгууллаа. Хэлэлцүүлэгт дүүргийн ИТХ-ын иргэний оролцооны хэлтсийн мэргэжилтэн Б.Галбадрах, Газрын албаны хороо хариуцсан мэргэжилтэн Ц.Уянга, Э.Ууганбаяр, ЗДТГ-ын Хот төлөвлөлтийн хэлтсийн мэргэжилтэн Б.Галмөнх нар оролцож, иргэдийн санал гомдлыг бичгээр авлаа.

Иймээс иргэд оршин суугчид та бүхэн 1 сарын 18-ны өдрийг хүртэл газрын хууль тогтоомжийн хэрэгжилт, газар өмчлөл, эзэмшлийн маргаантай холбоотой хуулийн байгууллагын шийдвэр хэрэгжихгүй байгаа, газар эзэмшигчийн нэр болон кадастр давхардуулж олгосон байдал зэрэг нийслэл дүүргийн захиргааны байгууллагатай холбоотой санал гомдлоо Нийслэлийн үйлчилгээний нэгдсэн төвүүд болох Дүнжингарав, Драгон, Буянт-Ухаа төв болон харъяа дүүргийнхээ нэг цэгийн үйлчилгээний төвүүдэд гаргаж болно.

Иргэн таны санал гомдолд үндэслэн 2018 оны 01-р сарын 22-ны өдөр УБ хот, Соёлын төв өргөөнд 14:00 цагт болох “Олон нийтийн нээлттэй хэлэлцүүлэг” зохион байгуулах тул иргэд та бүхэн идэвхтэй оролцоно уу.

Налайх дүүргийн 5,6,7-р хорооны иргэдээс Газрын албатай холбоотой санал гомдлыг нь авлаа

И-Өргөдөл цахим санал өгөх журмыг Налайх дүүрэгт хэрэгжүүлэхийг дэмжиж байна уу?