Олон улсын ахмадын өдрийг тэмдэглэн өнгөрүүлэх ажлын хүрээнд ахмад буурлуудын ажиллаж байсан байгууллага татан буугдсан болон бусад шалтгаанаар харьяалалгүй болсон ахмадуудыг өнөөдөр дүүргийн Засаг Даргын Тамгын Газар, Хөдөлмөр, халамж үйлчилгээний хэлтэс, төлөөлөгчид хороодтой хамтран хүлээн авч, хүндэтгэл үзүүллээ.
2,7-р хорооны үйл ажиллагаанд дүүргийн Засаг даргын орлогч Х.Анхбаяр, С.Тунгалаг, ХХҮХ-ийн дарга Т.Эрдэнэчимэг, дүүргийн ИТХ-ын төлөөлөгч Д.Отгонсүрэн, Г.Баттөмөр нар оролцож, ахмадууддаа баяр хүргэлээ. Хүндэтгэлийн арга хэмжээнд 2,7-р хорооны нийт 400 гаруй ахмадууд хамрагдаж, нэгэн өдрийг баяртайгаар өнгөрүүллээ. Энэ үеэр 2-р хорооны төлөөлөгч Д.Отгонсүрэн, Г.Баттөмөр нар 2 ахмадад тэргэнцэр гардуулсан юм. Дүүргийн удирдлагууд олон жил үр бүтээлтэй ажилласан ахмадуудаа шагнаж урамшууллаа.
Уг ажлын хүрээнд 3-р хороо 10-р сарын 29-нд харьяалалгүй ахмадуудаа хүлээн авсан бол өнөөдөр 2,7-р хороо ахмадуудаа хүлээн авсан бол 2017 оны 11-р сарын 04-ний өдөр 1,4-р хороо, 11-р сарын 07-ны өдөр 6-р хороо, 11-р сарын 10-ны өдөр 5-р хороо харьяалалгүй ахмадуудаа хүлээн авах юм байна.
Улс эх орныхоо ирээдүйн сайн сайхан, хөгжил цэцэглэлт, бүтээн байгуулалтад гар бие оролцож ирсэн ахмадууддаа аз жаргал сайн сайхан бүхнийг хүсэн ерөөе.
