Алслагдсан 3 дүүргийн ИТХ, ЗДТГ-ын ажилтан, албан хаагчдыг харилцан туршлага солилцох зорилгоор жил бүр уламжлал болгон зохион байгуулагддаг нөхөрсөг “Спорт тэмцээн” энэ жил Багануур дүүрэгт 2017 оны 09-р сарын 08,09-ний өдрүүдэд амжилттай болж өнгөрлөө.
Сагсан бөмбөг, волейбол, ширээний теннис, боулинг, дартс, шатар гэсэн 6 төрөлт тэмцээнд баг тамирчид амжилттай оролцож, Налайх дүүрэг сагсан бөмбөг, ширээний теннис, шатар, боулингийн төрөлд амжилттай оролцон баг тамирчид 2 алт, 1 мөнгө, 3 хүрэл медаль тус тус хүртсэн юм. Багийн нийт дүнгээр энэ жил Багануур дүүрэг тэргүүн байр эзэлсэн бөгөөд дараа жил уламжлал ёсоор Налайх дүүргийн ИТХ, ЗДТГ-аас алслагдсан 3 дүүргийн нөхөрсөг тэмцээнийг зохион байгуулна.
