“Чандмань Налайх” ОНӨААТҮГ үүсэн байгуулагдсан түүхт 70 жилийн ой арга хэмжээ 2017 оны 08 дугаар сарын 16-18-ны өдрүүдэд амжилттай зохион байгуулагдаж байна. Тус байгууллагын баярын хурал дүүргийн Соёл урлагийн ордонд болж, дүүргийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга А.Булбул, Налайх дүүргийн Засаг даргын орлогч Ц.Нарандалай, С.Тунгалаг болон “Чандмань Налайх”  ОНӨААТҮГ-ын албан хаагчид, холбогдох албаны хүмүүс оролцлоо.

Баярын хурлыг “Чандмань Налайх” ОНӨААТҮГ-ын дарга Г.Чулуунбат нээж үг хэлэхдээ тус байгууллагын түүхт 70 жилийн ойн баярын хуралд хүрэлцэн ирсэн дүүргийн удирдлагууд, зочид төлөөлөгчид, мэргэжлийн холбооддоо баярын мэнд хүргэж, ажилд нь амжилт, амьдралд нь хамгийн сайн сайхан бүхнийг хүсэн ерөөлөө.

Налайх дүүргийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга А.Булбул “Энэ онд түүхт 70 жилийн ойн баяраа тэмдэглэж буй “Чандмань Налайх” ОНӨААТҮГ-ын нийт хамт олонд халуун баяр хүргэж, ажлын өндөр амжилт хүсэн ерөөе” гээд иргэдийн Төлөөлөгчдийн Хурлын даргын “Хүндэт өргөмжлөл”-өөр “Чандмань Налайх” ОНӨААТҮГ-ын дарга Г.Чулуунбатыг, “Чандмань Налайх” ОНӨААТҮГ-ын хамт олныг иргэдийн Төлөөлөгчдийн Хурлын Ажлын албанаас үнэ бүхий зүйлээр шагнаж, баяр дээр нь баяр нэмлээ.