Налайх дүүргийн Иргэдийн Төлөөлөгчдийн Хурал нь аж ахуйн нэгж, байгууллага болон иргэдийн эрх ашиг,  сонирхолд нийцсэн, тэдний хууль ёсны эрх ашгийг хамгаалсан тогтоол, шийдвэр гарган ажиллахад  дүүрэгт үйл ажиллагаа явуулж буй албан байгууллага, аж ахуйн нэгжүүдийн үйл ажиллагааны талаарх дэлгэрэнгүй мэдээ, мэдээлэл шаардлагатай байдаг. Иймээс  иргэдийн Төлөөлөгчдийн Хурал 2017 оны 05 дугаар сарын 03-ны өдрөөс эхлэн албан байгууллагуудын үйл ажиллагаатай танилцаж эхэлсэн.

2017 оны 05 дугаар сарын 10-ны өдөр ИТХ-ын дарга Б.Нэргүй, Тэргүүлэгч К.Сейтхан, Д.Бэгзцэрэн, Г.Баттөмөр, Төлөөлөгч Г.Баярсүрэн, О.Энхтайван, Ц.Эрбол нар дүүргийн Мэргэжил, сургалт үйлдвэрлэлийн төв, Эрдмийн-Оргил цогцолбор сургууль, Албан бус насан туршийн боловсролын төв гэсэн 3 байгууллагын үйл ажиллагаатай танилцаж, тэдний ололт амжилт, цаашид хэрэгжүүлэх ажил, үйлчилгээ, сайн туршлага болон багш, оюутан сурагчдын санал сэтгэгдлийг сонслоо.  

Боловсролыг бүх нийтэд хүргэхээр хүчин чармайлт гарган, амжилттай ажиллаж буй дээрх байгууллагуудад дүүргийн ИТХ-ын Төлөөлөгчид амжилт хүсэн, цаашид илүү уялдаа холбоотой ажиллахыг санал болгосон юм.