Дүүргийн Засаг даргын 2016-2020 оны үйл ажиллагааны хөтөлбөр, эдийн засаг, нийгмийг 2017 онд хөгжүүлэх үндсэн чиглэлийг хэрэгжүүлэх ажлын хүрээнд 2 жилд нэг удаа уламжлал болон зохион байгуулагддаг “Уянгаар хөглөгдсөн урлагийн их наадам” дүүргийн байгууллага, аж ахуйн нэгжүүдийн ажилтан, албан хаагчдын дунд 2017 оны 04-р сарын 20,21-ний өдрүүдэд Соёл урлагийн ордонд зохион байгуулагдлаа.
Урлагийн наадамд дүүргийн 25 байгууллагын ажилтан, албан хаагчид найрал дуу, цэнгээнт бүжиг, ардын бүжиг, гоцлол дуу, уран уншлага, хос дуу, язгуур урлаг, үндэсний хөгжим гэсэн 8 төрлөөр оролцож, авьяас чадвараа сорив.
Шагнал гардуулах ёслолын ажиллагаанд дүүргийн Иргэдийн Төлөөлөгчдийн хурлын дарга Б.Нэргүй, Засаг дарга Ч.Раднаабазар, Засаг даргын орлогч Х.Анхбаяр, Засаг даргын орлогч С.Тунгалаг болон бусад албаны хүмүүс оролцож, 8 төрөлт урлагийн их наадмын шагналыг гардуулан өглөө.
1.Найрал дууны төрөл: 1-р байр Голомт цогцолбор сургууль, 2-р байр 014-р цэргийн анги
2.Цэнгээнт бүжгийн төрөл: 1-р байр Голомт цогцолбор сургууль, 2-р байр Дулааны станц
3.Ардын бүжгийн төрөл: 1-р байр 014-р цэргийн ангийн албан хаагч , 2-р байр Эрүүл Мэндийн Төв
4.Гоцлол дуу: 1-р байр Боловсролын хэлтэс болон Албан бус насан туршийн боловсролын төв, 2-р байр 123-р цэцэрлэг,
5.Уран уншлагын төрөл: 1-р байр Эрүүл Мэндийн Төв, 2-р байр 119-р сургууль
6.Хос дууны төрөл: 1-р байр 152-р цэцэрлэг, 2-р байр Эрдмийн Оргил цогцолбор сургууль
7.Язгуур урлагийн төрөл: 1-р байр 23-р цэцэрлэг, 2-р байр 119-р сургууль,
8.Үндэсний хөгжмийн төрөл: 1-р байр 23-р цэцэрлэг, 2-р байр Чандмань налайх ОНӨААТҮГ тус тус шалгарч нэгдсэн дүнгээр 1-р байрыг ГОЛОМТ ЦОГЦОЛБОР СУРГУУЛИЙН хамт олон, 2-р байрыг 152-Р ЦЭЦЭРЛЭГИЙН хамт олон, 3-р байрыг 014-Р ЦЭРГИЙН АНГИЙН хамт олон эзэлж, өргөмжлөл, мөнгөн шагнал хүртсэн юм.
Мөн дүүргийн Иргэдийн Төлөөлөгчдийн Хурлын санаачилгаар “Уянгаар хөглөгдсөн урлагийн их наадам”-д амжилттай оролцсон байгууллагад Иргэдийн Төлөөлөгчдийн Хурлын даргын нэрэмжит ӨРГӨМЖЛӨЛ мөнгөн шагнал хүртээж байхаар шийдэж, энэ удаа залуу хойч үеэ үлгэрлэн, хамт олноо манлайлан, идэвх санаачилгатай оролцсон “Ахмадын хороо”-ны хамт олонд тусгай байрын шагнал “Хурлын даргын нэрэмжит өргөмжлөл” мөнгөн шагнал хүртээв.
Та бүхнийг урлагийн Янжинлхам бурхан ивээх болтугай.
НАЛАЙХ ДҮҮРГИЙН ИРГЭДИЙН ТӨЛӨӨЛӨГЧДИЙН ХУРАЛ
