Хог хаягдалтай тэмцэх, тохижилтын ажлыг эрчимжүүлэх тухай Налайх дүүргийн Засаг даргын 01 дугаар албан даалгаврын дагуу 03-р сарын 20-оос 05-р сарын 30-ны өдрийг хүртэлх хугацаанд “Хог хаягдалтай тэмцэх, тохижилтын ажлыг эрчимжүүлэх сар” болгосонтой холбогдуулан долоо хоног бүрийн Бямба гараг бүх нийтийн их цэвэрлэгээ хийж байна.
     2017 оны 04-р сарын 15-ны өдөр Иргэдийн Төлөөлөгчдийн Хурлын дарга болон ажлын албаны 11 албан хаагчид Улаанбаатар Чойр чиглэлд 1,4 км авто зам дагуу, гуу жалгын хог хаягдлыг цэвэрлэж, 22 шуудай хог бөөгнүүлэн 72-34 УБЕ хог тээврийн автомашинд ачууллаа.
      Цаашид 05-р сарын 30-ны өдөр хүртэл долоо хоног бүрийн бямба гарагт бүх нийтийн их цэвэрлэгээг зохион байгуулах тул иргэд та бүхнийг идэвхтэй оролцож, хоггүй дүүрэг болохын төлөө иргэний үүрэг, оролцоог нэмэгдүүлэхийг уриалж байна.