Энэ үер дүүргийн ГХУСАЗЗ-ийн дарга Б.Нэргүй хэлэхдээ “Налайх дүүрэгт 2016 онд 460 гэмт хэрэг гарсан бол 2017 онд 393 хэрэг гарч, гэмт хэргийн гаралт 14,5%-иар буурсан эерэг үзүүлэлттэй гарсан. Гэмт хэргийн гаралтын шалтгаан нөхцлийг судлан үзэхэд Цагдаагийн хэлтсийн техник, тоног төхөөрөмж дутмаг, хүн амын өсөлт, ажилгүйдэл, иргэдийн хуулийн мэдлэг дутмаг байдлаас үүдэн гэр хороолол, орон сууц, гэр бүлийн орчинд гэмт хэргийн гаралт өсөх хандлагатай байгаа бөгөөд бусдын бие махбодид гэмтэл учруулах, хулгайн гэмт хэргийн тоо өндөр үзүүлэлттэй байна. Иймд гэмт хэргээс урьдчилан сэргийлэх ажилд орчин үеийн техник технологийг ашиглах, хороо бүрийг камержуулан, Налайх дүүрэг дэх Цагдаагийн хэлтэст нэгдсэн хяналтыг бий болгох шаардлагатай байна” гэдгийг онцоллоо.
Мөн дүүргийн удирдлагууд “Зөв технологи” ХХК-ий гүйцэтгэсэн хяналтын камерын байршил, нөхцөл байдал, үйл ажиллагаатай танилцлаа.
